Kviteseid kommune gjev avslag på søknaden om omdisponering og frådeling av bustadtomt på garden Tveiten, 38/18. Vedtaket er tufta på føringane i jordlova § 9 og omsynet til landbruket sine produksjonsareal.
Kviteseid kommune innvilgar søknaden om omdisponering og frådeling av bustadtomt på garden Tveiten, 38/18. Vedtaket er tufta på føringane i jordlova § 9, og omsynet til busetnad nær eksisternade infrastruktur og sentrumsfunksjonar er prioritert. Arealrekneskapen som er lagt fram i saka gjer at fordelane er vurdert større en ulempane.
Med heimel i jordlova §§ 9 og 12, samt plan- og bygningslova §§ 19-2 og 20-1, fattar formannskapet i Kviteseid kommune fylgjande vedtak:
Omdisponering og frådeling
Kviteseid kommune gjev samtykke til omdisponering av inntil 1,3 dekar fulldyrka jord på gnr. 38 bnr. 18, og godkjenner frådeling av tomt i samsvar med søknaden dagsett 20.01.2025, jf. jordlova §§ 9 og 12.
Dispensasjon
Dispensasjon frå gjeldande arealformål (LNF) i kommuneplanens arealdel vert innvilga i samsvar med plan- og bygningslova § 19-2, under føresetnad av vilkåra i punkt 3 nedanfor. Dispensasjonen gjeld oppføring av heilårsbustad.
Krav om kompenserande tiltak (1:2-forhold)
Tapet av dyrka jord (m.a. 1,3 dekar) skal kompenserast ved at søkjar opparbeider nytt fulldyrka jordbruksareal i eit minimum
1:2-forhold
(ca. 2,3 dekar).
Søkjar skal innan ett år leggje fram ein konkret plan for opparbeiding av nytt areal, inkludert skriftleg dokumentasjon på at arealet er eigna for maskinell drift og har tilsvarande eller betre jordkvalitet enn arealet som vert nedbygd. Planen skal godkjennast av kommunen før arbeidet tek til.
Matjorda frå bustadtomta skal, så langt det er praktisk mogleg, flyttast og brukast i opparbeidinga av det nye arealet.
Arbeidet med opparbeiding av det nye jordbruksarealet skal vere ferdigstilt innan 2 år etter at bustadbygginga tek til. Dersom dette ikkje vert overhalde, kan dispensasjonen falle bort, jf. plan- og bygningslova § 19-2 fjerde ledd og alminneleg forvaltningsrett.
Grunngjeving
Samfunnsbehov og busetjing
: Vedtaket legg vekt på å støtte opp om busetjing og kommunen sitt mål om å sikre levande bygder.
Jordvern
: Kravet om kompenserande tiltak sikrar ein netto auke i fulldyrka jordbruksareal, noko som er i tråd med intensjonane i jordlova og dei nasjonale jordvernmåla.
Alternativ vurdering
: Det er konkludert med at eit absolutt krav om annan plassering vil skape vesentlege praktiske ulemper, og søkjar har grunngjeve behovet for å leggje bustaden nær eksisterande tun og infrastruktur.
Merknader
Vedtaket er fatta under føresetnad av at andre naudsynte løyve (t.d. bygd etter plan- og bygningslova, tilknyting til kommunalt vatn/avløp, vegtilkomst m.m.) vert innhenta. Søkjar er sjølv ansvarleg for å sikre at alt regelverk vert følgt.