Stian Hauge (Senterpartiet) fremja følgjande utsettelsesforslag:

Saka blir utsett og lagd fram att så snart som mogleg med ei supplert saksutgreiing.

Det har kome inn ei skriftleg stadfesting, datert 16. september 2026, om fortsatt interesse for kjøp av Fossøl med sikte på personleg busetting og drift som sjølvstendig bruk. Dette er opplysningar som må vurderast før endeleg vedtak. Sakshandsamaren er dessutan ikkje tilgjengeleg i møtet grunna heimevernsøving.

Formannskapet legg stor vekt på fast busetting og på å ta vare på sjølvstendige gardsbruk som grunnlag for levande bygder – med ljos i flest mogleg hus. Den nye utgreiinga må synleggjere handlingsrommet for dette politiske skjønnet innanfor konsesjonslova og premissane i lagmannsrettsdommen.

Kommunedirektøren blir beden om å:

1. Avklare kor konkret og gjennomførbar den alternative kjøpsinteressa er, med omsyn til kjøpsvilkår, finansiering, busetting og drift.
2. Vurdere om Fossøl som sjølvstendig bruk med eigen busetting gir betre langsiktig busetting og ressursforvaltning enn søkjaren si løysing med samdrift og personleg buplikt.
3. Belyse betydninga av at søkjaren allereie eig Runningen med bustadhus i Åsgrend, utan å føresetje at han vil busetje seg der dersom konsesjon blir avslått.
4. Gje søkjaren høve til å uttale seg om dei nye opplysningane før saka blir lagd fram att.

Utsetjinga inneber ikkje at formannskapet har teke stilling til om konsesjon skal givast eller avslåast.

Votering:

samrøystes vedteke.

Innstilling:

Kviteseid kommune gjev avslag på Alf Kjetil Runningen sin søknad om konsesjon på erverv av gards- og bruksnummer 101/2 i Kviteseid kommune. Vedtaket er gjort med heimel i konsesjonslova § 9 og delegert mynde til kommunen.

Votering:

fallen med 6 mot 0 stemmer.