Prisen for sal av kommunale tilleggsareal inntil 500 m2 vert sett til 150 kr pr. m2 , pluss omkostningar. Prisen vert indeksregulert kvart 5 år.
Prisen for bustadtomter i byggefelta Furutoppen/Tømmeråsen, Runningen og Sundbøhaugen vert halde uendra. Praksisen med nedsett pris og sal av to tomter til same kjøpar vert avslutta.
Prisen for gamle tomter i eksisterande felt vert sett til 50.000 kr pr tomt, men desse kan også seljast som tilleggstomter om det er ønske om det.
Administrasjonen får delegert løyve til å selje tomter og tilleggsareal i samsvar med plan, medan samfunnsutvalet behandlar saker som ikkje er tråd med plan.
Alle spørsmål som gjeld kjøp og sal av kommunale bygg og eigedom skal forberedast av ei intern arbeidsgruppe leia av kommunalsjef for samfunnsutvikling og drift. Politisk behandling skjer i samfunnsutvalet, formannskap eller kommunestyre avhengig av kva sak det gjeld. Sal av tomteareal i samsvar med plan kan gjerast administrativt.
Delegasjonsreglementet blir oppdatert i tråd med vedtaket.