Samfunnsutvalet vedtek Olav Larssons veg som nytt vegnamn i Flottin hyttefelt. Vedtaket er grunngjeve med at ein meiner vegnamnet passar fint med den lokalhistoria som har kome fram i merknaden i høyringsprosessen.

Vedtaket er heimla i stadnamnslovas § 7. Stadnamntenesta skal normalt uttale seg om namneforslag før det vert endeleg vedteke. Vedtaket blir difor nå sendt dit i etterkant og skulle det kome kommentar på skrivemåten må ein ta opp saka på nytt. Vegnamnet vil bli kunngjort når ein har fått endeleg tilbakemelding frå stadnamntenesta.