Innstilling frå kommunedirektøren:

Med heimel i Alkohollova § 1-6 og Alkoholpolitiske retningsliner for Seljord kommune får Eldhuset Dybedal, Brøløsvegen 42, org.nr.935645956, alminneleg skjenkeløyve for alkoholhaldig drikk gruppe 1 og 2 (opp til 22 %) på fylgjande vilkår:

• Skjenkeløyvet gjeld inne i serveringslokalet 1. og 2.høgda. Løyvet gjeld i tillegg ute på avgrensa terrasse. Utearealet kan ikkje nyttast av Nordbygdi pub og bardrift og Eldhuset Dybedal samstundes.
• Skjenking av alkoholhaldig drikke med alkoholinnhald lågare enn 22 volumprosent kan skje i tidsrommet:
  • Kl. 10:00 – kl. 02:00 i skjenkelokale.
  • Kl. 10:00 – kl. 03:00 i skjenkelokale ved slutta selskap.
  • Kl. 10:00 – kl. 24:00 ved uteskjenking kvardag, sundag og høgtidsdag.
  • Kl. 10:00 – kl. 02:00 ved uteskjenking fredag/laurdag og dag før høgtidsdag, samt alle dagar ved slutta selskap.
• Styrar for løyvet er Ann Kristin Dybedal. Stedfortreder for løyvet er Lars Ove Haug Grindalen. Stedfortreder blir godkjent under forutsetning at han har bestått Kunnskapsprøven innan utgangen av september 2026.
• Det skal til ei kvar tid vera godkjent styrar og stedfortredar.
• Løyvegebyr for skjenking av alkoholhaldig drikk skal betalast jf. Forskrift til Alkohollova kapittel 6.
• Løyvehavar skal kvart år innan 15. februar uoppfordra sende inn oppgåve over omsetnad av alkoholhaldig drikk for året før.
• Manglande innsending av oppgåve eller manglande innbetaling av løyvegebyr kan føre til tildeling av prikkar/inndraging av løyve.
• Løyvehavar v/styrar og stedfortredar plikter etter innkalling å møte med kommunen og andre aktørar for utveksling av erfaringar, gjennomgang av aktuelle sider ved lovverket, ordensmessige problem mv.
• Løyvehavar pliktar til ein kvar tid å rette seg etter Alkohollova med forskrifter og Alkoholpolitiske retningsliner for Seljord kommune.

Votering:

samrøystes vedteke.