Innstilling frå Styringsgruppa i prosjektet:

1. Det vert vedteke å etablere ny base for heimetenestene ved ombygging av eksisterande kommunehus i Brøløsvegen 13A, i samsvar med framlagt skisseprosjekt. Prosjektet vert lyst ut på anbod, med planlagt byggjestart i 2027.
2. Det vert vedteke å byggje om delar av Brøløsvegen 6A til kommunehus, i tråd med justert skisseprosjekt. Arbeidet skal starte i 2026 med rivearbeid og klargjering av bygget, før tekniske og bygningsmessige arbeid tek til i 2027.
3. Det vert vedteke å byggje om Nesbukti pleie- og omsorgssenter i samsvar med framlagt skisseprosjekt, med planlagt oppstart i 2028.
4. Det vert vedteke å byggje 10 nye omsorgsbustader på Brøløsvegen 13A, i samsvar med framlagt skisseprosjekt, med planlagt oppstart i 2029.

Sondre Aasan (Senterpartiet) fremja følgjande alternativt forslag:

(1.) Nesbukti pleie- og omsorgssenter skal arbeidast vidare med som eige delprosjekt fram mot komande budsjett- og økonomiplan.

Kommunedirektøren vert beden om å leggje fram ei nærare vurdering av framtidig kapasitetsbehov ved Nesbukti, inkludert om det bør etablerast fleire langtids institusjonsplassar enn i framlagt skisseprosjekt, og ei vurdering av nytt produksjonskjøken ved Nesbukti.

Utgreiinga skal synleggjere investeringskostnader, moglege tilskot, netto lånebehov, driftskostnader, bemanningsbehov og moglege driftsmessige gevinstar ved:

a) ombygging i tråd med framlagt skisseprosjekt

b) auka institusjonskapasitet

c) nytt produksjonskjøken

d) ein kombinasjon av kapasitetsauke og nytt produksjonskjøken

Kommunestyret legg til grunn at eventuell kapasitetsutviding og etablering av nytt produksjonskjøken skal ha 12 millionar kroner (eks. mva) som eit øvre tak i auka låneramme samanlikna med det framlagte skisseprosjektet (etter tilskot, momskompensasjon etc).

(2). Det vert etablert midlertidig base for heimetenestene anten ved å leige høveleg lokale eller i bygningsmassen til tidlegare Seljiord vgs.

(3). 10 omsorgsboligar og ny base til heimetenestene blir etablert på areal på Brøløsvegen 7, med oppstart i 2029. Prosjektet blir etablert slik at det evntuelt seinare er mogleg å byggje fleire omsorgsboligar i eit framtidig byggetrinn. Det skal i tillegg utgreiast ulike buformar for eldre på tomta i samarbeid med private.

Votering:

Innstilling frå Styringsgruppa i prosjektet vart vedteke med 14 mot 3 stemmer.

Innstilling frå Styringsgruppa i prosjektet

Arbeiderpartiet (4/4)

Framstegspartiet (4/4)

Høgre (5/5)

Senterpartiet (1/3)

• Elisabeth Nordgarden

Alternativt forslag frå Sp

Rødt (1/1)

Senterpartiet (2/3)