Innstilling frå kommunedirektøren:

Det vert gjeve løyve til etablering av tett tank til hytte på eigedom gnr 110 bnr 14, jf. situasjonsplan nedanfor.

Det vert sett følgjande vilkår:

Krav til teknisk utforming og utføring:

1. Tank og alt røropplegg skal tilfredsstille Norsk Standard.
2. Tank og røropplegg skal kunne trykkprøvast med min. 0,1 bar. Innløpsrøyret må kunne nåast frå tømeluke (200 mm skruluke) for plassering av ballong ved tettleiksprøving.
3. Trykkprøvinga skal utførast med tankens ordinære lokk påmontert nippel 3/4" Hansen hunnkopling.
4. Alt røyropplegg skal vera frostsikra.
5. Samletanken må vere utstyrt med fulltankalarm (230 V eller 9 V batteri) som effektivt varslar når tanken er (nesten) full.
6. Samletank og utvendig røropplegg skal vera nedgravne og lagde på ein slik måte at dei er sikra mot skadeleg ytre påverknad. Tanktoppen må vera lett tilgjengeleg, førast opp til bakkenivå og påmonterast markeringspinne på to meter.
7. Maksimal avstand frå samletank til bilveg er 40 meter, høgdeforskjell maks. 5 meter frå botn tank når vegen ligg høgare enn tanken. Det må vera tilkomst til eigedomen heile året.
8. Seljord kommune skal varslast for inspeksjon før gjenfylling.

Krav til tømerutiner og kontroll:

1. Tette oppsamlingstankar skal tømast minst éin gong kvart år, eventuelt oftare dersom det er naudsynt. For denne tøminga skal det betalast årleg avgift fastsett i det kommunale avgiftsreglementet. Tøming utover dette er hytteeigaren sitt ansvar. Det vert tilrådd å sjekke tanknivået minst éi veke før høgtider og feriar. Tøming bør helst gjerast på barmark.
2. Samstundes, og i samband med tøminga, skal det utførast kontroll og, dersom det er påkravd, trykkprøving av anlegget.
3. Dersom eventuell trykkprøving viser at 0,1 bar ikkje kan haldast i minimum 30 sekund, skal avviksrapport skrivast i samsvar med punkt 12.
4. Dersom det vert registrert avvik i samband med kontroll etter punkt 10 og/eller 11, skal avviksrapport straks sendast til Seljord kommune, ved VAV-avdelinga. Rapporten skal skildre kva avviket består i, eventuell årsak til avviket og kva som er gjort for å rette feilen. Eigar av anlegget pliktar å utbetre anlegget utan ugrunna opphald dersom dette skulle bli naudsynt.
5. Nivåvarslar (fulltankalarm) skal kontrollerast av hytteeigar minst éin gong per år.

Votering:

samrøystes vedteke.