Innstilling frå kommunedirektøren:

Med heimel i Alkohollova § 1-6 og Alkoholpolitiske retningsliner for Seljord kommune får Nordbygdi pub- og bardrift AS - Budeia, Brøløsvegen 42, org.nr. 897998882, alminneleg skjenkeløyve for alkoholhaldig drikk gruppe 1, 2 og 3 (øl, vin og brennevin) på fylgjande vilkår:

• Alkoholhaldig drikk med alkoholinnhold lågare enn 22 volumprosent kan skjenkast til fylgjande tider:
  • I skjenkelokale: kl.10.00 til kl.02.00
  • I skjenkelokale ved slutta selskap: kl.10.00 til kl.03.00.
  • Ved uteskjenking kvardag, sundag og høgtidsdag: kl.10.00 til kl.24.00.
  • Ved uteskjenking fredag, laurdag og dagen før høgtidsdag, samt alle dagar ved slutta selskap: kl.10.00 til kl.02.00.
• Alkoholhaldig drikk med alkoholhald 22 volumprosent eller meir kan skjenkast til fylgjande tider:
  • I skjenkelokalet: kl.13.00 til kl.02.00.
  • I skjenkelokalet ved slutta selskap: kl.13.00 til kl.03.00
  • Ved uteskjenking kvardag, sundag og høgtidsdag: kl.13.00 til kl.24.00.
  • Ved uteskjenking fredag, laurdag og dag før høgtidsdag, samt alle dagar ved slutta selskap: kl.13.00 til kl.02.00.
• Løyvet gjeld for fyrste og andre etasje i mindre bygning ved sida av hovudbygningen. For uteskjenking gjeld løyvet for eit klart avgrensa område på terrasse og uteareal framom den mindre bygningen.
• Løyvet gjeld også for kjellaretasje i hovudbygningen og for eit klart avgrensa område på terrasse framom hovudbygningen. Terrassen kan kun brukas når det er arrangement i kjellaretasje og Eldhuset Spiseri og Catering skal være stengt.
• Det skal være eit forsvarleg vakthald for skjenkeområda iht den einkvar tids gjeldande lovkrav.
• Styrar for løyvet er Vilje Lovise Juvskås. Stadfortredar for løyvet er Ann Kristin Dybedal.
• Det skal til ein kvar tid vera godkjent styrar og stadfortredar.
• Løyvegebyr for skjenking av alkoholhaldig drikk skal betalast jf. Forskrift til Alkohollova kapittel 6.
• Løyvehavar skal kvart år innan 15.februar uoppfordra sende inn oppgåve over omsetnad av alkoholhaldig drikk for året før.
• Manglande innsending av omsetnadsoppgåve eller manglande innbetaling for løyvegebyr kan føre til tildeling av prikkar/inndraging av løyve.
• Løyvehavar v/styrar og stadfortredar pliktar etter innkalling å møte med kommunen og andre aktørar for utveksling av erfaringar, gjennomgang av aktuelle sider ved lovverket, ordensmessige problem mv.
• Løyvehavar pliktar til ein kvar tid å rette seg etter Alkohollova med forskrifter og Alkoholpolitiske retningsliner for Seljord kommune.
• Løyvehavar pliktar til ein kvar tid å rette seg etter Retningsliner for regulering av støy frå høgtalarar/musikkanlegg i Seljord kommune.

Votering:

samrøystes vedteke.