Innstilling frå Samfunnsutvalet:

Seljord kommune godkjenner forslag til lokal forskrift om bruk av termiske og restlysforsterkande siktemiddel ved jakt på hjort i Seljord kommune med fylgjande tekst:

Forskrift om bruk av termiske og restlysforsterkande siktemiddel ved jakt på hjort i Seljord kommune, Telemark

Heimel: LOV-2025-06-20-102 Lov om jakt, fangst og felling av vilt mv. (viltressursloven) og lov 10. februar 1967 om behandlingsmåten i forvaltningssaker (forvaltningsloven) § 38.

§ 1 Føremål

Føremålet med forskrifta er å leggja til rette for ei berekraftig, sikker og dyrevelferdsmessig forsvarleg jakt på hjort i Seljord kommune i samsvar med viltressurslova.

§ 2 Verkeområde

Forskrifta gjeld ved jakt på hjort i ope terreng innanfor Seljord kommune.

§ 3 Bruk av termiske og restlysforsterkande siktemiddel

Ved jakt på hjort er det tillate å nytte termiske siktemiddel og restlysforsterkande siktemiddel i samsvar med § 2.

§ 4 Ikraftsetjing

Forskrifta tek til å gjelde frå den datoen kommunestyret fastset.

Ivar Barstad (Raudt) fremja følgjande alternativt forslag:

Seljord kommune gjev ikkje løyve til bruk av termiske og restlysforsterkande siktemiddel ved ordinær jakt på hjort i Seljord kommune.

Votering:

Innstilling frå Samfunnsutvalet vart vedteke med 12 mot 3 stemmer.

Innstilling frå Samfunnsutvalet

Arbeiderpartiet (1/2)

Framstegspartiet (4/4)

Høgre (5/5)

Senterpartiet (2/3)

Alternativt forslag frå R

Arbeiderpartiet (1/2)

• Ingvild Haugerud Øverland

Raudt (1/1)

Senterpartiet (1/3)

• Elisabeth Nordgarden