1. Kommunestyret tek rapporten og informasjonen om fuktskaden ved Dalen barnehage til orientering.
2. Kommunestyret stadfestar at den avsette investeringsramma på 4 millionar kroner i økonomiplanen for 2025 skal nyttast til å gjennomføre nødvendige utbetringstiltak ved Dalen barnehage.
3. Kommunedirektøren får fullmakt til å gjennomføre prosjektering, tilbodskonkurranse og kontrahering innanfor vedteken budsjettramme.
4. Kommunestyret ber om at det vert lagt fram eiga sak dersom kostnadene overstig løyvinga, eller dersom det kjem fram vesentlege forhold som krev endring i planlagt løysing.
5. Kommunestyret tek til orientering at prosjektet ved Byrte barnehage, som omfattar utskifting av taktekking, undertakspapp, lekter og sløyfer, er vurdert. Prosjektet har ein estimert kostnad på 1,1 millionar kroner, og kommunedirektøren tilrår at det vert gjennomført som planlagt i 2027, utan endringar i plassering i investeringsbudsjettet.