Votering er ferdig i denne saka.
Resultat av votering
14:46 Kommunedirektørens tilråding
- Kommunestyret godkjenner gjennomføring av prosjektet Rein/urein sone og rehabilitering/utviding av kommuneverkstaden på Tokkestad i eigen regi.
- Det blir løyvd ei investeringsramme på 9,0 mill. kroner inkl. mva. til prosjektet.
- Prosjektet omfattar rehabilitering av eksisterande kommuneverkstad, tilbygg på om lag 45 m², etablering av rein/urein sone, garderobar, dusj- og WC-fasilitetar, spiserom/opphaldsrom, kontor, lagerfunksjonar og nødvendige tekniske oppgraderingar.
- Kommunestyret tek til orientering at prosjektet har fått rammeløyve, og at Arbeidstilsynet har godkjent løysinga som ei samla rein/urein-løysing for VA-personell og teknisk drift. Løysinga inneber at kommunen ikkje treng å etablere eigne rein/urein-løysingar ved kvart av kommunen sine fem avløpsanlegg.
- Kostnader som direkte og utelukkande gjeld vatn- og avløpsområdet, skal førast på sjølvkostområdet i tråd med sjølvkostregelverket. Kostnader som berre gjeld andre delar av teknisk etat, skal førast utanfor sjølvkost. Kostnader knytt til fellesfunksjonar som tener både sjølvkostområdet og andre delar av teknisk etat, skal fordelast mellom sjølvkostområdet og øvrige kommunale område etter ein berekna fordelingsnøkkel. Fordelingsnøkkelen skal byggje på forholdet mellom kostnader/bruk knytt til sjølvkostområdet og kostnader/bruk knytt til dei øvrige områda i teknisk etat. Endeleg fordeling blir fastsett i prosjektrekneskapen etter faktisk bruk, funksjon og kostnadsføring.
- Tilpassing av garasjebygget ved kommuneverkstaden blir innarbeidd som del av prosjektet innanfor den samla investeringsramma.
Vedteke