Helse, oppvekst, kultur og idrettsutval si tilråding:

• HOKI tek saka til orientering og tilrår at administrasjonen arbeider vidare med ei mogleg ny driftsavtale med Åmdal/Tokke Fotballklubb og oppgradering av driftsutstyr ved fotballanlegget på Dalen.
• I det vidare arbeidet vert det lagt til grunn ei mogleg avtaleperiode 2027–2029 og eit førebels årleg vederlag på kr 70 000–90 000. Endeleg avtale og økonomisk ramme vert lagt fram som del av ordinær budsjettbehandling for 2027.
• Administrasjonen arbeider vidare med eit investeringsgrunnlag for reinsemaskin, kunstgrasrive, robotgressklippar og lager-/garasjebygg. Førebels kontantbehov er berekna til om lag kr 550 000, men dette er ikkje ei løyving i denne saka.
• For lager-/garasjebygget skal administrasjonen vurdere ei løysing der kommunen finansierer materialar og nødvendige innkjøpte leveransar, medan Åmdal/Tokke Fotballklubb kan bidra med dugnadsarbeid. Moglegheita for spelemidlar etter anleggsforskrifta og Rundskriv 01/26 for søknadsåret 2027 skal avklarast før endeleg budsjettforslag.
• Administrasjonen kvalitetssikrar kostnader, dugnadsverdi, plassering, byggesak, registrering i Anleggsregisteret, kommunal planstatus, spelemiddelvilkår og finansiering. Dersom det skal søkjast spelemidlar for 2027, skal nødvendig søknadsarbeid og politisk prioritering av spelemiddelsøknader gjennomførast innan gjeldande fristar. Tiltaket vert deretter eventuelt innarbeidd i framlegg til budsjett og økonomiplan for 2027.
• Eventuelle krav knytt til arbeid utført i 2024–2026 vert avklart særskilt administrativt og inngår ikkje i denne prinsippdrøftinga.

--slutt på innstilling--

Votering:

vedteke med 20 mot 1 stemmer.

FOR

Arbeiderpartiet (6/6)

Fremskrittspartiet (1/1)

Høgre (1/1)

Kristeleg Folkeparti (1/1)

Miljøpartiet Dei Grøne (1/1)

Senterpartiet (9/10)

Sosialistisk Venstreparti (1/1)

MOT

Senterpartiet (1/10)

• Olav Ståland

Camilla Lagergren Knudsen (Senterpartiet) fremja følgjande tilleggsforslag på vegne av Sp, MDG, KrF:

Tillegg til vedtak:

• Administrasjonen undersøkjer med andre idrettslag/brukargrupper om det er fleire som har behov for oppbevarings- eller lagringsplass før ein startar prosjektering av garasjen.
• I det vidare arbeidet legg administrasjonen fram ein langsiktig plan for fotballanlegget på Dalen. I planen bør det stå informasjon om korleis kommunen stiller seg til forbud om innkjøp av nytt gummigranulat frå 2031 og ei vurdering av kor lang levetid kunstgrasbanen på Dalen har.

Votering:

samrøystes vedteke.