Ulstein har eit mildt kystklima der beitedyr går ute lenger enn mange andre stadar i landet. Lokal forskrift med utvida tid på bandtvang er difor nødvendig for å verne både ville dyr og husdyr på beite.
Lokal forskrift om bandtvang i Ulstein kommune og må derfor gjelde fram til 31.10 slik innspel frå lokale bønder.
Ber om at ein på nytt tek opp dialog med Hareid kommune for å få felles reglar til det beste for både ville og tamme dyr.
Ulstein kommunestyre ser ikkje at det pr. i dag er behov for lokal forskrift om utvida bandtvang for hund i Ulstein kommune.
Kommunestyret viser særskilt til den faglege uttalen frå avdelingsleiar landbruk som rår til at det bør settast opp fleire informasjonsskilt om normal bandtvangstid etter gjeldande hundelov (1. april - 20. august) før eventuell innføring av lokal forskrift. Kommunestyret legg også vekt på at Hareid kommune ikkje ønskjer å innføre forskrift om utvida bandtvang, og dermed heller ikkje felles forskrift i lag med med Ulstein kommune. Dermed vert handheving av eventuell lokal forskrift i Ulstein i grenseområda mot Hareid utfordrande.
Kommunestyret opphevar med dette vedtaket i sak nr. 09/55, møtedato 18.06.2009 om utvida bandtvang i Ulstein kommune.