Formannskapet tek budsjet og økonomiplan til orientering for videre behandling
Teknisk utval ønskjer følgjande tiltak innarbeidd i økonomiplan/budsjett i uprioritert rekkefølgje:
Drift:
Nedjustering av gebyrinntektene for byggesak og oppmåling – urealistisk høge inntektsmål over mange år
Auka løyving på 1 mill. kr til vegvedlikehald – viktig tiltak for å halde vegnettet i stand
Trafikktryggingstiltak – årleg ramme til mindre tiltak, avgrensa midlar som kan ha stor effekt
Auka prioritet på vedlikehald av parkar, grøntanlegg, installasjonar og liknande
Investering:
Løyving til trivselsgata på 250 000 kr i 2025 – kommunal mindre del av større spleiselag
Levekårsutvalet tek orienteringa til vitende, og anerkjenner at kommunen står ovanfor eit stort omstillingsbehov. Vi ser at sektorane Helse og omsorg, samt Oppvekst og kultur står for storparten av utgiftene, og er positive til auken i desse budsjetta. Levekårsutvalet legg merke til, og er positive til, den sterke tenesteproduksjonen i desse sektorane, og ønsker at denne skal halde fram. Utvalet berømmer og kommunedirektøren og hans stab for arbeidet med budsjett og økonomiplanen.
Fellesrådet viser til punkt 2 om startlån. Vi ber om at det blir sett på molegheita til å auke opp låneopptak som i dag er foreslått til 6 millionar så det står meir i samsvar med antall søknadar (60 i fjor).
Fellesrådet viser vidare til utgreiingar som skal foregå nå inne i helse og omsorg, samt oppvekst og kultur, at det blir kommunisert til ulike brukarorganisasjonar og fellesrådet undervegs.
Ungdomsrådet tek sak om budsjett og økonomiplan til vitende, med følgande kommentarar:
Det er positivt med satsing på IKT-utstyr, med eit årleg beløp, og ungdomsrådet håper det vert satsa på PC til elevbruk, i staden for Chromebook. Dette er betre med tanke på å lære pc til studie og jobb seinare.
Ungdomsrådet vil også peike på at ein ikkje må gløyme fysiske bøker, og oppdaterte bøker i skulen. Ein treng kanskje ikkje iPad allereie frå 1. klasse? Iallfall må det vere ein god balansegong, slik at ein også har fysiske bøker til både lesing og skriving.
Ungdomsrådet er glad for at Ulstein kommune har eit godt og variert tilbod på fritida, både til organisert og uorganisert ungdom. Dei uformelle møteplassane er svært viktig, både for trivsel og forebyggande arbeid. Dette bør slåast ring rundt.
Ungdomsrådet vil også peike på arbeidet med MOT i skulen, at dette skaper robust ungdom, det er viktig for miljøet og gir ungdom verktøy til å ta gode val. Ungdomsrådet håper det til sommaren 2025 kan bli badeplass for ungdom i sentrum.
For at born og unge skal kunne ta del i fritidsaktivtetar på ettermiddag/helg, skulle dei ønske at busstilbodet til krinsane vert styrka!
Arbeidsmiljøutvalet (AMU) har fått presentert administrasjonen sitt framlegg til budsjett og økonomiplan 2025-2028.
Arbeidsmiljøutvalet har fokus på arbeidsmiljø og arbeidshelse for dei tilsette og ynskjer å uttale fylgjande til framlegget:
Kommuneleiinga har gitt god informasjon om status og framtidsbilete til leiarar, tillitsvalde og tilsette. Dette er med på å skape ro i organisasjonen.
Budsjett der ein må kompensere for gamle innsparingstiltak er lite motiverande for alle. Det er difor svært positivt at det denne gongen vert operert med realistiske budsjettrammer.
Vi innser at det er naudsynt med omfordeling og strukturendring for å ha eit økonomisk handlingsrom også fram i tid. For å lukkast med dette, er det viktig å ha gode prosessar der tillitsvalde og verneombod er involvert. Ved val av innsparingstiltak, må eventuelle konsekvensar for HMS vere med i vurderingane som vert gjort.