Med heimel i plan- og bygningslova (PBL) § 19-2 gir teknisk utval dispensasjon frå regulert byggegrense mellom gnr. 6, bnr. 59 og gnr. 6, bnr. 252, slik at omsøkt tilbygg på gnr. 6, bnr. 59, kan oppførast med vist avstand minst 4 meter til felles nabogrense.
Grunngivinga er at:
Regulert byggegrense i det spisse tomtehjørnet mellom gnr. 6, bnr. 59 og gnr. 6, bnr. 252 har avstand over 6 meter, dvs. vesentleg meir enn andre delar av regulert byggegrense i området som har 4 meter avstand til nabogrenser, jf. også avstandskravet som blir ivaretatt av PBL § 29-4. Eksisterande bustadhus på gnr. 6, bnr. 59 bryt allereie her regulerte byggegrense og omsøkt tiltak kjem ikkje nærare grensa mot gnr. 6, bnr. 252 enn 4 meter.
Dispensasjonen fører ikkje til at føreegna det dispenserast frå, omsyna i lova sin formålsparagraf eller nasjonale interesser, blir vesentleg sett til side.
Fordelane ved å gi dispensasjonen er vurdert som klart større enn ulempene.
Teknisk utval legg særleg vekt på at tiltaket vil kunne gi det eldre bustadhuset på gnr. 6, bnr. 59 auka sikkerheit og tilgjenge. Utvalet vurderer elles at det er samfunnsnyttig - også i eit miljøperspektiv - at eldre bustadhus blir ivaretatt og tilpassa dagens behov, i staden for riving og oppføring av nybygg
Teknisk utval viser til saksutgreiinga og finn ikkje grunnlag for å ta merknadane frå naboane Garshol Haram og Holstad/Torgersen til følgje.