Marianne Brevik er ein av to eigarar av ein eigedom på Tueneset der det er eit regulert bustadfelt med 11 tomter. Eigarane ønskjer å etablere veg og teknisk anlegg og gjere tomtene tilgjengelege for sal og husbygging. Det må byggast busslomme og gangveg/fortau. Breivik har hatt møte med kommuneadministrasjonen om saka og ønskjer å få til ein finansieringsmodell med hjelp frå det offentlege. Ho har difor stilt spørsmål om gildskapen sin.
Brevik sin søknad inngår ikkje i lista kommunen har sett opp over prioriterte tiltak i trafikktryggingsplanen, men administrasjonen har invitert til ei vurdering av dette innspelet i saksframlegget. Ei eventuell endra prioritering vil kunne ha innverknad på Brevik si sak.
Tilrådinga er at Breivik er ugild i sak PS 25/25, jf. forvaltningslova § 6 andre avsnitt. Det ligg føre eit særeige forhold som er eigna til å svekke tilliten til Breivik sin upartiskheit. Vi har ved den heilskaplege vurderinga særleg lagt vekt på at ei avgjerd i saka kan ha betyding for utviklinga av Brevik sin eigedom på Tueneset.
Formannskapet ønskjer at Møre og Romsdal fylkeskommune prioriterer følgjande tiltak i investeringsprogrammet for fylkesveg 2026 - 2035:
Ny krysslølysing til Saunesmarka og Ulstein vidaregåande skule - Høddkrysset, fv. 61
Utbetre Hasundkrysset, fv. 61
Ny Dragsundbru, fv. 61
Gang- og sykkelveg frå Hasundkrysset ned til Hasundvegen, fv. 61
Gang- og sykkelveg frå Garnes til Dragsund, fv. 61