Teknisk utval viser til saksutgreiinga, vedtak TU-19/25 med tilhøyrande saksutgreiing og klagen frå Holstad/Torgersen, med merknader frå søkar. Teknisk utval kan ikkje sjå at at det i klagen til Holstad/Torgersen er lagt fram nye og vesentlege opplysningar i saka som ikkje var kjende då utvalet gjorde sitt vedtak, der søknad om dispensasjon for regulert byggegrense vart innvilga.

Teknisk utval står ved og opprettheld derfor vedtak TU-19/25. Klagesaka med relevante saksdokument vert dermed sendt til Statsforvaltaren i Møre og Romsdal for vidare saksbehandling i samsvar med plan- og bygningslova (PBL) § 1-9 og forvaltningslova (FVL) § 28.

Teknisk utval gir klagen utsett iverksetting, dvs. at verken ramme- eller igangsettingsløyve kan giast før klagesaka er avgjort, jf. forvaltningslova § 42.