Hans Petter Th. Ulstein (H) er nærmaste nabo til delar av tomta det er søkt om, og har sendt inn nabomerknad til saka. Han stiller derfor spørsmål om gildskapen sin.
Tilrådinga er at Th. Ulstein er ugild i saka, jf. forvaltningslova § 6 første ledd punkt a).
Teknisk utval held fast på vilkåret i sak nr. 44/25, møtedato 10.04.2025 om at tilkomstveg til gnr. 7, bnr. 818 må innregulerast som vegareal, fellesføremål over gnr. 7, bnr. 184 (Brunevegen 12). Dette samsvarar med praksis i nyare reguleringssaker til frittliggjande bustader om at tomter skal ha regulert tilkomstveg fram til tomtegrense. Utvalet ser at innregulering av vegparsell vil påverke graden av utnytting for gnr. 7, bnr. 184, men viser til at vegarealet vil vere bandlagt som tilkomstveg til annan eigedom og dermed heller ikkje bør inngå i grunnlaget for grad av utnytting av gnr. 7, bnr. 184. Basert på dette finn teknisk utval å ville stå fast på vedtaket i sak nr. 44/25, klagen vert ikkje teken til følgje.
Vidare handsaming av klagesaka følgjer reglane i forvaltningslova og anna relevant regelverk.