Ulstein kommunestyre godkjenner tertialrapporten for 1.tertial 2025.
Det vert tilsetjingsstopp ut året på alle vakante stillingar i organisasjonen. Kommunedirektøren kan avvike frå dette etter nærare vurdering.
Budsjettert inntekt frå refusjon sjukelønn vert auka med 11 483 814 kroner i første tertial, og nytta til å auke lønnsbudsjettet på same ansvar og funksjon som refusjonsinntekta høyrer til. Tilsvarande regulering vert gjort for resten av året slik at det ikkje vert avvik mellom rekneskapsført og budsjettert inntekt knytt til refundert sjukelønn.
Budsjettet knytt til konto 14290 Momskompensasjon og konto 17290 Momskompensasjon vert regulert tilsvarande faktisk rekneskapsført kostnad/inntekt. Tilsvarande regulering vert gjort også i investeringsrekneskapen for 04290 Momskompensasjon og konto 07290 Momskompensasjon.
Budsjettet til ressursbanken i omsorg vert fordelt etter same fordelingsprosent som kostnadene vert fordelt etter.
Faktisk auka lønnskostnader som følgje av årets lønnsoppgjer og ansiennitetsopprykk/stillingsendring vert å kompensere frå budsjettmidlane på ansvar 1111 “Pensjon og lønnsoppgjer” slik at dette ansvaret balanserer.
Driftsbudsjettet vert regulert tilsvarande endringane i tabellen “Samla forslag til budsjettendringar” under.
Investeringsbudsjettet vert regulert tilsvarande kolonnen “Forslag til bud.endr. år 1” i tabellen “Investeringar” under.