Ulstein kommune inngår intensjonsavtale med Furene AS om samarbeid for å utvikle og tilby tilpassa arbeids- og aktivitetstilbod for personar som står utanfor det ordinære arbeidslivet.
Kommunestyret gir si tilslutning til vidare arbeid med å greie ut etablering av eit nytt aksjeselskap for drift av slike tilbod, innanfor ramma av unntak for utvida eigenregi (FOA § 3-1 og § 3-2).
Kommunedirektøren får fullmakt til å gjennomføre vidare prosess i samarbeid med Furene AS, inkludert utarbeiding av vedtekter og aksjonæravtale, og leggje saka fram for ny politisk godkjenning før eventuell etablering.