Med heimel i plan- og bygningslova § 19-2 vert det gitt dispensasjon frå landbruksføremålet i reguleringsplan for Osnes del 1 for å tillate frådeling av eigedomen gnr. 7, bnr. 5, slik at eksisterande arkivbygg vert skilt ut som eigen grunneigedom på om lag 890 m².

Vedtaket vert grunngjeve med at omsøkt frådeling ikkje er i strid med omsynet bak føresegna om deleforbod. Frådelinga av arkivbygget, som rommar ei fotosamling av viktig historisk verdi, medfører ingen endring i dagens bruk. Tiltaket påverkar ikkje landskap eller tilkomst, og fører ikkje til ei uheldig oppdeling av eigedomen. Formålet med frådelinga vurderast som rimeleg og i samsvar med ei praktisk og langsiktig forvaltning av eigedomen og arkivbygget.

Frådelingsaka vert handsama vidare administrativt i samsvar med innsendt søknad, datert 20.08.2025 og situasjonskart, udatert.