Søknad om fritak frå driveplikta på gnr. 5 bnr. 4
Fellesforslag frå B. Roppen (Sp)
Teknisk utval gir grunneigar utsatt frist til 1.jan.2027 til å eventuelt inngå skrifteleg leigeavtale for drift. Grunneigar må konkretisere planane for landbruksdrift med næringsmessig preg.
Vedlegg
Gildskapsvurdering - Alf Johan Antonsen
Svigersøstera til Alf Johan Antonsen (Frp) er jordeigar i saka. Han stiller derfor spørsmål om gildskapen sin.
Tilrådinga er at han er ugild, jamfør forvaltningslova § 6 fyrste avsnitt bokstav b.
Vedlegg
Kommunalsjefen si tilråding
Med heimel i jordlova § 8 avslår teknisk utval søknaden frå Kenneth Dimmen og Grethe Pettersen datert den 04.08.2025 om fritak frå å inngå 10-årig skriftleg leigeavtale for drift av jordbruksarealet på del av gnr. 5, bnr. 4 i Ulstein kommune.
Grunngjeving:
Då det er interesse for del av jordbruksarealet på eigedomen som del av ei aktiv landbruksdrift, må eigaren oppfylle kravet om 10-årig skriftleg leigeavtale med ein gardbrukar som driv aktivt landbruk.