Dispensasjonar - kontor- og bustadblokk 2 B - Sjøgata - gnr. 8, bnr. 561

Ber om at saka blir utsett til områdeplan for sentrum som no er ut på høyring er vedtatt.

Vedlegg

Med heimel i plan- og bygningslova (PBL) § 19-2 gir teknisk utval dispensasjon frå følgjande krav i reguleringsplanen “Sjøsida, Ulsteinvik”, planID 20050011:

• Gesimshøgd, jf. reguleringsføresegnene § 3.1.4.
• Byggelinje, jf. reguleringsføresegnene § 2.2.
• Parkeringsplassar, jf. reguleringsføresegnene § 2.6.

Dermed kan tiltaket, bygg 2 B på regulert område BFK 2, oppførast som omsøkt, med gesimshøgd inntil kote 20,9 meter, plassering/utforming som vist på situasjonsplan, datert 08.01.2025 og revidert 08.12.2025, og med 11 p-plassar innomhus i bygg 2 B.

Det blir sett følgande vilkår for dispensasjonen:

1. Det må frikjøpast 3 p-plassar for å oppfylle samla parkeringskrav for regulerte utbyggingsområde BFK 1 og BFK 2, i høve parkeringskrav kommunen legg til grunn i saka, jf. § 4.1.3 i føresegnene til planframlegg for områdeplan for Ulsteinvik Sentrum, planID 20210001, 2. gongs offentlegt ettersyn, og dei utfyllande føresegnene til kommuneplanen for Ulsteinvik sentrum § 4.3.7 om frikjøp. Det skal i tillegg etablerast 25 mellombelse parkeringsplassar på område for “byggetrinn 3” inntil dette området vert utbygd.
2. Areala o_GG12, o_GG13 og o_FO25 i framlegg til områdeplan for Ulsteinvik sentrum skal vere ferdigstilte før første bruksløyve for bygg 2 B kan gjevast, jf. rekkefølgjekrav i framlegg til områdeplan for Ulsteinvik sentrum.
3. Arealet o_GG12 skal gjevast ei parkmessig opparbeiding som skal knyte gangareala ved rundkøyringa saman med steintrappa mot sjøen. Arealet skal leggast til rette for opphald og rekreasjon. Jersey-blokker (betongblokker) skal fjernast, og anna fysisk skilje mellom køyreveg og o_GG12 skal etablerast.
4. Detaljplan for område o_GG12 skal leggast fram for godkjenning før første igangsettingsløyve for tiltaket kan gjevast.
5. Omsøkt tiltak må utførast i samsvar med føresegnene til områdeplan for Ulsteinvik sentrum slik dei ligg føre ved 2. gongs offentleg ettersyn. Detaljane må vurderast nærare før rammeløyve vert gjeve.

Grunngjevinga for å kunne gi dispensasjonane er at dei i det vesentlege vil sette til side intensjonane bak føresegnene i gjeldande reguleringsplan, og at fordelane er klart større enn ulempene ved å gi dispensasjonane. Tiltakets omsøkte gesimshøgd, plassering/utforming og parkeringsløysing er i samsvar med siste framlegg til ny områdeplan for Ulsteinvik sentrum, planID 20210001.

Teknisk utval vurderer det slik at nabomerknadane er handterte, utgreidde og i tilstrekkjeleg grad gjeve svar på i søknad, saksutgreiing og vedtak.

Vedlegg