Gildskapsvurdering - Magne Gurskevik (Ap):

Magne Gurskevik er svoger til eigar av West Auto AS som har levert inn tilbod til skuleskyss til kommunen. Saka gjeld finansiering av skyssavtale mellom kommune og selskap.

Tilråding:

Kommunedirektøren rår til at Magne Gurskevik vert vurdert som inhabil i saka om finansiering av skyssavtale med West Auto AS, jf. forvaltningslova § 6 første ledd bokstav b. West Auto AS er part i saka, og Gurskevik er i svogerskap med eigar av selskapet.

Votering:

samrøystes vedteke.

Gildskapsvurdering - Eldar Knotten (V):

Eldar Knotten er eigar av West Auto AS som har levert inn tilbod til skuleskyss til kommunen.

West Auto AS er part i saka, og Knotten er dagleg leiar i selskapet og har aksjemajoriteten i selskapet.

Tilråding:

Kommunedirektøren rår til at Eldar Knotten vert vurdert som inhabil i saka om finansiering av skyssavtale med West Auto AS, jf. forvaltningslova § 6 første ledd bokstav a.

Votering:

samrøystes vedteke.

Gildskapsvurdering - Marte Gurskevik Skeide (Ap):

Marte Gurskevik Skeide er tantebarn til eigar av West Auto AS som har levert inn tilbod til skuleskyss til kommunen. Saka gjeld finansiering av skyssavtale mellom kommune og selskap.

I si eiga vurdering går det fram: Eg er innkalla som gildskapsvara for Magne Gurskevik i denne saka. I dette tilfellet er tilbydar av skuleskysstenesta min onkel og vi bur I same grend. Vi har eit normal familieforhold. Eg lurer difor på om eg og er ugild I denne saka, eller om eg kan stille som vara for Magne Gurskevik, som er far min.

Marte Gurskevik Skeide sin gildskap må vurderast etter §6, andre ledd, skjønnsmessig vurdering.

Spørsmålet er om det ligg føre andre særegne forhold som er egna til å svekke tilliten til Gurskevik Skeide sin "upartiskhet" og om det ligg føre særleg fordel, tap eller ulempe for "ham selv eller noen han har nær personleg tilknyting til. " .

Tilråding:

Terskelen for å vere ugild skal vere høg og etter dokumentasjon som ligg føre frå representanten rår kommunedirektøren til at Marte Gurskevik Skeide vert vurdert habil i saka

Votering:

vedteke med 16 mot 8 stemmer.

FOR

Arbeidarpartiet (3/3)

Framstegspartiet (2/5)

• Magnus Kleven Eriksen
• Kjell Egil Barstad

Høgre (5/6)

Industri- og Næringspartiet (2/2)

Kristeleg Folkeparti (2/2)

Senterpartiet (1/3)

• Lisa Mari Breivik Anderson

Sosialistisk Venstreparti (1/1)

MOT

Framstegspartiet (3/5)

Høgre (1/6)

• Oscar Overvåg Tafjord

Senterpartiet (2/3)

Uavhengig (1/1)

• Arve Eldar Flø

Venstre (1/1)

Formannskapet 13.05.2026:

Kommunestyret sluttar seg til å finansiere opp tiltaket for skuleskyss slik det går fram av saka for skuleåret 2026-2027.

Kommunestyret ber at ordninga vert evaluert mot slutten av skuleåret 2026/2027.

Votering:

samrøystes vedteke.