Alf Johan Antonsen (Framstegspartiet) fremja følgjande forslag på vegne av Frp, H, Frp, H:

Ulstein kommunestyre opprettheld gjeldande rekkefølgekrav for bygging av Sundgotmarka barnehage i Hasund krins.

Votering:

vedteke med 14 mot 10 stemmer.

FOR

Framstegspartiet (5/5)

Høgre (6/6)

Industri- og Næringspartiet (1/2)

Konservativt (1/1)

Venstre (1/1)

MOT

Arbeidarpartiet (4/4)

Industri- og Næringspartiet (1/2)

• Per Lorentz Kopperstad

Kristeleg Folkeparti (2/2)

Senterpartiet (2/2)

Sosialistisk Venstreparti (1/1)

Lisa Mari Breivik Anderson (Senterpartiet) fremja følgjande forslag:

Varaordførar Lisa Mari Breivik Anderson er dotter til Lars Inge Breivik som har gitt skriftleg høyringsuttale til saka. Ho stiller derfor spørsmål om sin gildskap.

Kommunedirektøren si vurdering

I uttalen til Lars Inge Breivik er det peikt på forhold knytt til trafikk og behov for gangveg i området. Etter administrasjonen si vurdering er han ikkje part i saka, og han bur heller ikkje direkte ved dei planlagde tiltaka. Høyringsuttalen hans vert vurdert som eit ordinært innspel frå ein innbyggjar som er opptatt av trafikkløysingar i nærmiljøet.

Når ein ikkje er part, kjem ikkje reglane om automatisk ugildskap for nærståande etter forvaltningslova § 6 første ledd til bruk.

Spørsmålet er då om familieforholdet og høyringsuttalen likevel utgjer «særegne forhold som er eigna til å svekkje tilliten» til Lisa Mari Breivik Anderson si upartiskheit, jf. forvaltningslova § 6 andre ledd.

Etter kommunedirektøren si vurdering inneber ikkje uttalen nokon særleg personleg eller økonomisk fordel eller ulempe, ut over det som gjeld for fleire innbyggjarar i området. Det er ikkje hald for å seie at det ligg føre ei særinteresse i saka slik at tilliten til hennar upartiskheit vert svekt.

Kommunedirektøren vurderer etter dette at vilkåra for ugildskap etter forvaltningslova § 6 andre ledd ikkje er oppfylte.

Kommunedirektøren rår til at kommunestyret kjem til at Lisa Mari Breivik Anderson er gild til å delta i handsaminga av saka.

Det er kommunestyret sjølve som avgjer spørsmål om gildskap.