Alf Johan Antonsen (Framstegspartiet) fremja følgjande forslag på vegne av KrF, Sp, SV, V, Frp, Ap, H, INP, UAV:

Ulstein kommune gir følgjande høyringsuttale til kommunedelplan for Myrvåg og Dragsund:

1. Ulstein kommune meiner planforslaget må vurderast i ein regional samanheng og ikkje berre ut frå utviklingsbehov i Herøy kommune.
2. Ulstein kommune viser til at både handelsanalysen og konsekvensutgreiinga legg til grunn at handelsomlandet omfattar delar av Ulstein kommune, og at planforslaget dermed vil kunne få negative verknader for eksisterande senterstruktur og handel på ytre Sunnmøre.
3. Ulstein kommune legg til grunn at dei samla regionale konsekvensane for eksisterande sentrum i Fosnavåg og Ulsteinvik vert vurdert grundigare før endeleg planvedtak.
4. Ulstein kommunestyre vurderar at vilkåra for motsegn etter plan-bygningslova §5-4 er oppfylte. Kommunestyret fremjar motsegn til dei delane av planen som opnar for handels-og tjenesteverksemd innanfor KBA1.
5. Motsegna kan trekkast dersom Herøy kommune gjennom planføresegner eller andre avgrensingar sikrar at uviklinga i Myrvåg ikkje får regionale handelsfunksjonar som konkurerar med etablerte sentrum i Ulsteinvik og Fosnavåg.

Votering:

samrøystes vedteke.

Knut Erik Engh (Framstegspartiet) fremja følgjande tilleggsforslag:

Ulstein kommunestyre vurderer at vilkåra for motsegn etter plan- og bygningslova § 5-4 er oppfylte.

Kommunestyret fremjar motsegn til dei delane av planen som opnar for handels- og tenesteverksemd innanfor KBA1.

Motsegna kan trekkjast dersom Herøy kommune gjennom planføresegner eller andre avgrensingar sikrar at utviklinga i Myrvåg ikkje får regionale handelsfunksjonar som konkurrerer med etablerte sentrum i Ulsteinvik og Fosnavåg.

Oscar Overvåg Tafjord (Høgre) fremja følgjande forslag som seinare vart trekt:

Ulstein kommune gir følgjande høyringsuttale til kommunedelplan for Myrvåg og Dragsund:

1. Ulstein kommune meiner planforslaget må vurderast i ein regional samanheng og ikkje berre ut frå utviklingsbehov i Herøy kommune.

2. Ulstein kommune viser til at både handelsanalysen og konsekvensutgreiinga legg til grunn at handelsomlandet omfattar delar av Ulstein kommune, og at planforslaget dermed vil kunne få negative verknader for eksisterande senterstruktur og handel på ytre Sunnmøre.

3. Ulstein kommune legg til grunn at dei samla regionale konsekvensane for eksisterande sentrum i Fosnavåg og Ulsteinvik vert vurdert grundigare før endeleg planvedtak.

Stian Skorgen Scheide (Høgre) fremja følgjande forslag som seinare vart trekt:

Ulstein kommune gir følgjande høyringsuttale til kommunedelplan for Myrvåg og Dragsund:

Ulstein kommunestyre meiner kommunedelplanen for Myrvåg legg til rette for ei utvikling som kan svekkje etablerte sentrumsmiljø på Ytre Sunnmøre.

Kommunestyret viser til at handelsanalysen og konsekvensutgreiinga dokumenterer at utviklinga i Myrvåg er avhengig av kundegrunnlag frå fleire kommunar, mellom anna Ulstein kommune.

Kommunestyret meiner det ikkje er tilstrekkeleg dokumentert at dei regionale konsekvensane for handelsstruktur, sentrumsutvikling og arbeidsplasslokalisering er vurderte.

Ulstein kommune rår derfor frå at det vert opna for ytterlegare handels- og tenestekonsentrasjonar i Myrvåg utover det som er nødvendig for å dekkje lokale behov i indre Herøy.