Teknisk utval viser til klage datert 04.01.2024 frå seksjonseigarane Kurt Eilertsen og Fredrik Alvestad på utvalet sitt vedtak nr. 114/23, møtedato 07.12.2023 vedkomande parkering tilhøyrande bustadseksjonane i Forretningsgården, gnr. 8, bnr. 60. Teknisk utval konstaterer at det ikkje er klaga på innhaldet i vedtak nr. 114/23, men på forhold som gjeld pålegget om retting av parkeringskravet, jf. vedtak i teknisk utval nr. 97/22, datert 06.10.2022. Sidan desse forholda er endeleg avgjort av Statsforvaltaren etter klagehandsaming, finn teknisk utval ikkje grunnlag for å realitetshandsame klaga på vedtaket i sak nr. 114/23 og den vert difor avvist, jf. forvaltningslova §§ 28 og 33.