Når kommunen legg til rette for barnehageplassar, må ein mellom anna ta omsyn til barnetal, tilflytting, areal tilrettelagt for bustadar, og brukarane sine prioriteringar. Høg kompetanse i befolkninga vert vurdert som ein føresetnad for å oppnå positiv utvikling av lokalsamfunnet. Ulstein har ei befolkning med relativt høgt utdanningsnivå i vårt fylke, og vi må rekruttere og halde på slik arbeidskraft for framtida, slik at kommunen og regionen skal kunne utvikle seg vidare. I dette perspektivet er tilbod om barnehageplass og god nok barnehagedekning ein viktig faktor.
Kommunestyret ber kommunedirektøren kartlegge alternativ og anslå kostnadsrammer for alternativ auka kapasitet innafor barnehage området. Saka skal fram til kommunestyret i juni møte slik at tiltak kan vurderast i 10-årig investeringsplan.