Kommunestyret tek forvaltningsrevisjonsrapporten «Arbeidsmiljø, sjukefråvær, vikarbruk og

HMS-avvik» til vitande. Kommunestyret ber kommunedirektøren om å:

• føre sjukefråværstatistikk i samsvar med gjeldande regelverk

• sikre at det er klare roller i sjukefråværsarbeidet.

• sikre at alle leiarar med personalansvar har tilstrekkeleg kompetanse i å følgje opp

sjukefråvær.

• sikre at det er samsvar mellom kommunen sine føringar og faktisk arbeid med mål,

planar og tiltak på HMS/sjukefråværsområdet.

• vurdere tiltak for å betre kontinuitet, formalisering, oppfølging og evaluering av

sjukefråværstiltak.

• sikre at sjukmelde blir følgde opp i tråd med rutinar og krav, og at oppfølginga blir

dokumentert

• iverksette tiltak for å sikre at både leiarar og tilsette har tilstrekkeleg kunnskap om

registrering og lukking avvik

• vurdere haldningsskapande tiltak for å betre praksis for avviksregistrering

• vurdere om rutinar og støttefunksjonar i avviksarbeidet er godt nok rigga for å sikre god

praksis

• vurdere tiltak som kan bidra til at erfaringar og forbetringstiltak som følgje av

avvikshandtering flyt betre mellom avdelingar og verksemder

Kommunestyret ber kommunedirektøren vurdere om funna og tilrådingane kan vere aktuelle for heile kommunen sin verksemd.

Kommunestyret ber kommunedirektøren om å gi ei skriftleg attendemelding til kontrollutvalet

innan 31.03.26 om korleis rapporten er følgt opp.

Kommunedirektøren må involvere seg aktivt i avdelingar med dårleg arbeidsmiljø, avdelingar med mykje sjukefråvær og tilsette som sluttar. Han må stø leiaren gjennom den vanskelege perioden, eller byte ut leiaren om det trengs.Kommunestyret ber om utdjupande rapport i «klarspråk» med klarlegging av rotårsakene til funna i rapporten og med forslag til tiltak.