Plan- og miljøutvaet sitt framlegg til vedtak:

1. Kommuneplanen sin arealdel (planID 20200003) vert vedteken slik den ligg føre, jf. pbl. § 11-15, men med desse endringane

- Arealet som omfattar innspel 68b blir i plankartet sett av til kombinert bustad og næring.

- GBNR 35/165 vert sett av til bustadføremål primært aldersvenlege bustader

- Føresegn pkt. 8.1 c, d og e - datoar

Alle datoar i desse punkta skal endrast til 20.04./3. påskedag - 15.06.

2. Førre arealdel (planID 20030003), kommunedelplan Rauland (planID 20060002) og kommunedelplan Åmot (planID 19930001) vert samtidig oppheva, jf. pbl. § 11-17.

Punkt 1: - Omsynssone for villrein H560_1 skal takast bort i Haddlandsheiane fram til austsida av Kromviksvegen.

Punkt 1: - Omsynssone for villrein H560_1 skal takast bort i Haddlandsheiane fram til austsida av Kromviksvegen.

Irja Helene Godal (Vinje Tverrpolitiske bygdeliste) fremja følgjande forslag:

Omsynssone for villrein H560_1 skal takast bort i Haddlandsheiane fram til austsida av Kromviksvegen og grensa til Bjortjønn fuglefredingsområde.

Liv Sigrun Nykos Midtun (Senterpartiet) fremja følgjande forslag:

Endre tekst for å ivareta støylane våre. Dette er for at ikkje villreinomsyn bremsar oppgradering og satsing på desse.

Endre teksten på LNF2: (ny tekst i raudt)

5.2. LNF-område med særskilte villreininteresser (LNF2) (§ 11-11 nr. 1 og 6)

a) Berre tiltak som er naudsynt for drift av landbrukseigedomar, inkludert tradisjonell utnytting av jakt- og fiskerettar, og støylsdrift og gardstilknytta næringsverksemd basert på ressursgrunnlaget til garden er tillate. Dette omfattar naudsynt infrastruktur, bygningar og vegtilkomst til aktive staular i landbruksproduksjon.

d) Driftshytter i tilknyting til aktive staular i landbruksproduksjon kan byggjast etter storleikane som gjeld for hytter i lnf spreidd fritidsbustad.

Forslag til ny tekst på H560: (ny tekst i raudt)

7.6. Omsynssone for villrein H560_1 (§ 11-8 c)

Aktive staular i drift med landbruksproduksjon, og veg fram til desse, er unnateke desse retningslinene.

Liv Sigrun Nykos Midtun (Senterpartiet) fremja følgjande forslag:

For å unngå stenging av vegar berre for sikkerhets skuld bør vegane vera stengte berre dersom det er dyr i området. Legg til ein setning der det er markert med gult. Det skal stå: , dersom det er villrein i området.

Irja Helene Godal (Vinje Tverrpolitiske bygdeliste) fremja følgjande endringsforslag:

Datasentertomta i Arabygdi, NÆ 41, blir gjort om til LNFR1.

Tone Edland (Senterpartiet) fremja følgjande forslag:

Endring føresegner:

LNF1 - 5.1 b Maks BYA under tregrensa 100 m2 hovudbygg og bod/uthus maks 20 m2. Over tregrensa maks BYA hovudbygg 60 m2 og bod/uthus maks 10 m2.

LNF2 - 5.2 d Maks BYA for driftshytter under tregrensa hovudbygg 100 m2 og bod/uthus maks 20 m2. Over tregrensa maks BYA hovudbygg 60 m2 og bod/uthus maks 10 m2.

Endring i føresegnene

5.3 retningsliner for storleik for tiltak på eksisterande fritidsbustader - siste strekpunkt: eksisterande firtidsbustader i LNF 2: Maks BYA for hovudbygg under tregrensa 100 m2 og bod/uthus maks 20 m2. Over tregrensa - maks BYA for hovudbygg 60 m2 og bod/uthus maks 10 m2.

Tone Edland (Senterpartiet) fremja følgjande forslag:

5.3 - Retningsliner for dispensasjon for utbygging av næring, bustad og fritidsbustader (krav til dispensasjon). Nytt siste strekpunkt: tiltaket ligg på Møsstrond.

Tillegg - nytt punkt: Tiltak som styrkjer busetjing på Møsstrond skal prioriterast og innanfor dei ulike omsynssonene.

Tone Edland (Senterpartiet) fremja følgjande forslag:

9.2 går ut av føresegnene og P1 ut av plankartet

3.1 stryke siste setning

Bjørnar Kalbach Christensen (Vinje Tverrpolitiske bygdeliste) fremja følgjande forslag:

Det skal utarbeides forslag til tiltak når det gjelder lys forurensning innen utgangen av denne kommunestyret perioden som supplerer KPA.

Votering

Plan- og miljøutvaet sitt framlegg til vedtak samrøystes vedteke.

Punkt 1, Punkt 1 vedteke med 20 mot 4 stemmer.

Forslag frå Irja Helene Godal (Vinje Tverrpolitiske bygdeliste) samrøystes vedteke.

Forslag frå Liv Sigrun Nykos Midtun (Senterpartiet) vedteke med 22 mot 2 stemmer.

Forslag frå Liv Sigrun Nykos Midtun (Senterpartiet) fallen med 18 mot 6 stemmer.

Forslag frå Irja Helene Godal (Vinje Tverrpolitiske bygdeliste) vedteke med 16 mot 8 stemmer.

Forslag frå Tone Edland (Senterpartiet) vedteke med 22 mot 2 stemmer.

Forslag frå Tone Edland (Senterpartiet) vedteke med 20 mot 4 stemmer.

Forslag frå Tone Edland (Senterpartiet) samrøystes vedteke.

Forslag frå Bjørnar Kalbach Christensen (Vinje Tverrpolitiske bygdeliste) vedteke med 19 mot 5 stemmer.