I medhald av pbl. §§ 1-9 og 12-12 blir klaga frå tiltakshavar, Inger Birgitte Vågslid, teke til fylgje. Som fylgje av dette vert føresegnene og plankartet endra slik:

plankartet endra slik:

Endre føresegn pkt. 4.1.4 til:

Omsynssone H310_1, område med sannsyn for skred større enn 1/100. Det er ikkje tillate med nye byggjetiltak i faresona.

Omsynssone H310_2, område med sannsyn for skred større enn 1/1000. Det er tillate med byggjetiltak i tryggleiksklasse S1 i faresona. Det er ikkje tillate med nye byggjetiltak tryggleiksklasse S2 eller S3 i faresona. Grunnlaget for faresonene er skredfarekartlegging – Storrlineset, Vinje kommune (2026).

Endre plankartet knytt til faresone for ras- og skred, slik det er synt i figur 2.

I medhald av pbl. §§ 1-9 og 12-12 blir klaga frå Storrlineset hytteforeining, klaga frå Naturvernforbundet i Vest-Telemark og klaga frå Marte og Oddvar Østvold, Sigrun Kildal Kåsa, Elin Kildal Kåsa, Tore Kildal og Ellen Aga Kildal ikkje teke til fylgje. Klagene vert sendt til Statsforvaltaren til endeleg avgjerd. 

Vedlegg

1. Klaga frå Tore Kildal m.fl. om mangelfull utgreiing av ei mindre utbygging vert teken til fylgje. Kommunen skal greie ut alternativet med ei avgrensa fortetting av eksisterande hyttefelt (ca 23 tomter) med tanke på å bevare naturen og eit stort samanhengande friluftsområde, redusere inngrep, fjerne behovet for mellombels massetak og mindre belastning for området generelt.

2. Klaga frå Naturvernforbundet i Vest-Telemark blir teken til fylgje. Plan for Storrlineset skal vurderast med tanke på korleis den bidreg positivt til å nå måla i Tiltaksplanen for villrein.

Vedlegg