Protokoll frå møte i kontrollutvalet blir lagt ved innkalling til neste kommunestyremøte.
Kommunestyret vedtek framlegg til reglement for politisk styringsorgan for Vinje kommune slik det ligg føre, men med følgjande endringar
1. Stryk setninga «Gjeld for kommunestyreperiode 2023-2027» på framsida.
2. Til punkt 1.11: Etter setninga «Framlegget skal ein levere skriftleg eller elektronisk til møteleiaren» kjem tillegget: «…, og lesast opp frå talarstolen.»
3. Til punkt 1:15: Stryk setninga: «Ingen andre kan få ordet ved handsaming av spørsmål.»
4. Punkt 2.1. blir endra til: «Formannskapet utfører dei gjeremål lovgjevinga legg til det, og avgjer dei saker kommunestyret har delegert til formannskapet. Formannskapet utgreier og gjev innstilling i saker til kommunestyret etter lova og politisk styringsreglement.» Formannskapet er næringsutval.
5. Til punkt 2.2.: Setninga går ut: «Formannskapet nemner sjølv årleg i vedtak på kva slag måte kommunedirektøren skal førebu grunnlaget for avgjerslene og kva slag innhald det skal ha.»
6. Nytt avsnitt under punkt 2.6 om Mindretalsanke: «I saker som formannskapet avgjer kan møteleiar eller minst 2 medlemar før møtet er slutt krevje at ei saka skal prøvast for kommunestyret. Formannskapet kan med vanleg fleirtal likevel vedta at krav om overprøving ikkje skal ha oppsetjande verknad om tidsomsyn tilseier det.»
7. Til punkt 3.1.: Heile punkt 3.1. blir endra til: «Kommunestyret vel medlemar til utvala. Kvart utval har 7 faste medlemar. Kvar gruppe som har medlemmar i utvalet vel like mange varamedlemar som dei har faste medlemar pluss 2. Så langt det er mogleg skal medlemmane vere blant kommunestyret sine faste medlemar og varamedlemar. Kommunestyret vel leiar og nestleiar. Leiar skal vere fast medlem i kommunestyret. Vala gjeld for den kommunale valperioden. Reglane om opprykk og nyval i kommunelova § 7-10 gjeld dersom nokon får fritak i perioden. Får leiaren fritak skal det veljast ny leiar.»
8. I punkt 3.2. i boksen med oppgåver til Plan- og miljøutvalet blir dei to fyrste setningane endra til: «Fokusområdet for utvalet er plansaker, klima, miljø og landbruk. Utvalet har ansvar for å følge utviklinga og handsame saker innanfor saksområda:»
9. I punkt 3.2. i boksen med oppgåver til Oppvekst- og velferdsutvalet blir fyrste setning endra til: «Fokusområde for utvalet er oppvekst, skule, helse, omsorg og kultur. Utvalet har ansvar for å følge utviklinga og handsame saker innanfor saksområda:»
10. Til punkt 3.3: Fyrste setning blir endra til: «Utvala held møte i samsvar med vedteken møteplan, når leiaren finn det påkravd eller når minst 1/3 av medlemane krev det.»
11. Punkt 3.3. andre avsnitt blir endra til: «Utvalsleiaren kallar inn til møtet og sett sakslista. Medlem og varamedlem mottek innkalling og saksutgreiing på iPad. I innkalling vert det ført opp tid og stad for møtet, spesifisera oppgåve over dei saker som skal handsamast. Innkallinga skjer som regel med ein frist på 8 dagar frå innkallingsdagen, utan at møtedagen er medrekna.»
12. Punkt 4.2. fyrste avsnitt endrast til: «Det skal vere frå 7 til 11 representantar i Ungdomsrådet.»
13. Punkt 5.2 og 6.2 - ordlyden i punkt 5.2 siste avsnitt og punkt 6.2 siste avsnitt skal vere identiske. Ordlyden skal vere slik den står i punkt. 6.2.
14. Som del av «referat og meldingar» eller som eiga sak blir det i kvart møte i formannskapet, og etter kommunedirektørens vurdering, gitt ei munnleg orientering frå kommunedirektøren om aktuelle pågåande saker.
15. Medlemer av formannskapet kan, innan fem arbeidsdagar før møte i formannskapet, sende inn spørsmål til kommunedirektøren eller ordføraren og få dei kommentert og drøfta i møtet.
16. Punkt om politiråd blir innarbeidd. Dei faste medlemane av rådet er dei som følgjer at Vinje kommunes politirådsavtale. Gjennomføring av møta i politirådet og innhaldet i møta går fram av den til ein kvar tid gjeldande politirådsavtale.
17. Heile reglementet går til grundig språkvask.