Innstilling frå kommunedirektøren::

Fyresdal kommune meiner prinsipielt at bemanningsnormer og formelle kompetansekrav ikkje er egna og er unødvendige verkemiddel i statens styring av kommunane, og at det bør unngåast.

Fyresdal kommune meiner at dagens lærarnorm som hovudregel bør endrast frå å gjelde på hovudtrinn pr sk u le til kommunenivå. Den tekniske utforminga av lærarnorma bør ha som hensikt barns rett til tilstrekkeleg pedagogisk oppfølging. Fyresdal kommune meiner at kommisjonen burde ha føreslått eigne reglar for kommunar med berre ein skule. Disse reglane kunne gitt kommunar med ein skule moglegheit til å dispensere frå norma eller moglegheit til å ha ei forsøksordning utan lærarnorm.

Fyresdal kommune støttar at de formelle kompetansekrava i helse- og omsorgstenestelova § 3-2 opphevast.

Fyresdal kommune støttar kommisjonens forslag til innlemming av øyremerka tilskot, med unntak av forslaget om innlemming av veterinærtilskotet. KS anbefaler at den delen av tilskotet som gjevast spesielt som stimuleringstilskot til dekning av veterinærtenester på dagtid i kommunar med svakt næringsgrunnlag vidareførast som øyremerka tilskot.

Fyresdal kommune støttar at grunnskoletilskotet avviklast, og at beløpet fordelast etter ordinære kostnadsnøklar i inntektssystemet.

Fyresdal kommune støttar forslag om forenkling av investeringstilskotsordninga i tråd med kommisjonens forslag.

Fyresdal kommune meiner at områda som er nemnt nedanfor er område som opplevast som særs viktige for små kommunar og må utgreiast i NOU 2 :

1. Vurdere og føreslå system for samordning og koordinering av lovverk, og etterfølgjande evaluering av nytt lovverk.
2. Utgreie korleis eit tverrdepartementalt kontinuerleg arbeid med forenkling av eksisterande reglar kan gjennomførast som ein del av arbeidet med kommuneproposisjonen og statsbudsjettet, og inngå i konsultasjonsmøta med KS.
3. Kommisjonen bør føreslå endringar i båe forsøkslova og i anna forsøkslovgjeving slik at kommunar og fylkeskommunar kan prøve ut meir dyptgripande forsøk.
4. Utgreie korleis ein sterkare vektlegging av konsekvensar for heile kommunens eller fylkeskommunens tenestetilbod i statlege klageordningar kan utformast, samt utgreie og føreslå alternativ til statleg klagebehandling.
5. Vurdere om ein skal innføre ein høgare terskel for overprøving av kommunens frie skjønn i dei einskilde særlovane.
6. Anbefaling om å jobbe vidare med forenkling i helse- og omsorgstenestelova.
7. Anbefaling om at kommisjonen utgreier og fremmer forslag om meir fleksible bemanningsnormer i barnehagesektoren.
8. Anbefaling om å jobbe vidare med forenkling i plan og bygningslova.
9. Anbefaling om ytterlegare innlemming av øyremerka tilskot.
10. Forenkling av statleg styring av kulturfeltet.
11. Forenkling av lov om offentlege anskaff ingar og offentlegheitslova,

Votering:

samrøystes vedteke.