38/21 - Nordbygdivegen - Klage på vedtak om tilkomstveg til lagerhall

Klagen blir tatt delvis til følgje og samfunnsutvalet sitt vedtak i sak 17/25 opphevast.

Nytt vedtak i saka:

1. Med heimel i § 20-1a) i plan- og bygningslova vert søknad om etablering/montering av lagerhall /rubbhall med tilhøyrande opparbeida uteareal og nærliggande tilkomstveg rundt lagerhallen godkjent på følgjande vilkår:
   • Før arbeid med etablering av lagerhall, uteareal og nærliggande tilkomstveg tar til, må plan for disponering av matjord utarbeidast og godkjennast av kommunens sin landbruksrådgjevar.
   • Når adkomstveg SpVP1 til område I/F 5 blir etablert må tilkomstveg til lagerhallen koplast denne.
   • Reetablering av vegetasjonsskjerm skjer ved tilrettelegging for naturleg tilvekst av vegetasjon som buskar/kratt og trær. Oppfylling/utfylling som ligg nært inntil Bygdaråi i svingen mellom trafo og Nordbygdivegen 208 må fjernast for reetablering av vegetasjonsskjermen.
   • Lagerhall med tilhøyrande uteareal og nærliggande tilkomstveg rundt lagerhallen kan ikkje takast i bruk før plassering av resterande tilkomstveg frå eksisterande privat veg er avklart, vegrett er inngått med grunneigar og godkjent av kommunen.
   • Oppføring av lagerhall med tilhøyrande uteareal og nærliggande tilkomstveg rundt lagerhallen er i samsvar med plan.
2. Med heimel i § 19-2 i plan- og bygningslova gis det ikkje dispensasjon for etablering av delar av tilkomstveg i eit område som har arealføremål grønstruktur – vegetasjonsskjerm.

Vedtaket er grunngjeven med at omsøkt tilkomstveg i vegetasjonsskjerm ikkje er i samsvar med føremålet det søkast dispensasjon i frå, og at føremålet grønstruktur blir vesentleg tilsidesett ved ein dispensasjon som omsøkt. Fordelande ved å gje dispensasjon er ikkje klart større enn ulempene etter ei samla vurdering.

Løyve gjeld i 3 år.

Vedlegg